TERM
: 
Լրիվ դրույք
JOB DESCRIPTION
: 
Սոցիալական ձեռներեցության կրթական ծրագրի համակարգողի հիմնական գործառույթն է ծրագրի սահուն իրականացումը, շարունակական գնահատումն ու անհրաժեշտ միջամտությունների իրագործումը: Ծրագրի համակարգողն ընթացիկ տարվա համար իր թիմի հետ միասին 40 մասնակիցների համար կազմակերպելու է սոցիալական ձեռնարկատիրության կրթական բազմափուլ գործընթաց, իրականացնելու է կրթական տարբեր բաղադրիչների ու փուլերի ընթացքի կառավարում, մշտադիտարկում, գնահատում: Ծրագրի համակարգողը տարբեր համայնքներում ստեղծելու է կապեր և համագործակցություններ սոցիալական ձեռնարկատիրության, համայնքային զարգացման, ձեռնարկատիրական ոլորտի, սոցիալական նորարարության դերակատարների հետ՝ ապահովելով համայնքային զարգացմանն ուղղված սոցիալական ձեռնարկությունների աշխատանքի աջակցությունը և համագործակցային հարթակի գործարկումը: Համակարգողը մշակելու և կազմակերպելու է սոցիալական ձեռնարկությունների գաղափարների ընտրության և ֆինանսավորման տրամադրման մոդելները, ընթացակարգերը և ապահովելու է ընտրության գործընթացների որակն ու թափանցիկությունը: Ծրագրի համակարգողը ստեղծելու և ապահովելու է սոցիալական ձեռնարկությունների ցանցային համագործակցության, սատարման և փոխօգնության հարթակը և դրա շրջանակներում իրականացվող միջոցառումները: Համակարգողը ստեղծելու է փորձագետների խումբ, ում հետ միասին գնահատելու և վերջնականացնելու է կրթական գործընթացների արդյունքում ստեղծված և ներկայացված ծրագրերն ու փորձագիտական համայնքի ներգրավմամբ ապահովելու է ձեռնարկատիրական թիմերի շարունակական մենթորություն և քոուչինգ։ Ծրագրի համակարգողը իրականացնելու է նաև ծրագրի, մասնակիցների ձեռնարկատիրական գաղափարների, մշակված կրթական նյութերի տեսանելիության բարձրացմանն ուղղված միջոցառումներ:
RESPONSIBILITIES
: 
- Պլանավորել, իրականացնել և վերահսկել ծրագրի ողջ ընթացքը;
- Ապահովել ծրագրային բոլոր բաղադրիչների անխափան իրականացումը;
- Կառավարել ծրագրի բյուջեն և աշխատանքային ժամանակացույցը;
- Կազմակերպել և վերահսկել թիմի անդամների արդյունավետ աշխատանքն ու համագործակցությունը;
- Ապահովել տարբեր դերակատաների հետ համագործակցությունների ստեղծումն ու զարգացումը;
- Ներգրավել փորձագետներ և վերապատրաստողներ ծրագրի բաղադրիչների արդյունավետ իրականացման համար;
- Կատարել ծրագրի անմիջական շահառուների ընտրությունը;
- Կազմակերպել պարբերական մշտադիտարկման այցեր;
- Ապահովել ծրագրի տեսանելիությունը;
- Պատրաստել ծրագրի ընթացիկ և վերջնական հաշվետվություններ (նկարագրողական և ֆինանսական)։
REQUIRED QUALIFICATIONS
: 
- Բարձրագույն կրթություն, նախընտրելի է հասարակական գիտությունների, տնտեսագիտական կամ բիզնեսի կառավարման ոլորտում;
- Աշխատանքային փորձ՝
ա) Ծրագրի կառավարում՝ առնվազն երեք տարի;
բ) Համայնքային աշխատանքի ներգրավվածություն;
գ) Ձեռնարկատիրական և այլ կրթական գործընթացների կազմակերպում;
դ) Սոցիալական ազդեցության և սոցիալական ձեռնարկատիրության էկոհամակարգի ներգրավվածություն;
Կարողություններ՝
- Հաղորդակցում և բանակցում;
- Ցանցի ստեղծում և պահպանում;
- Թիմի ղեկավարում և մոտիվացում;
- Թիմային աշխատանք և համագործակցություն;
- Հեռավար աշխատանքի արդյունավետ կազմակերպում;
- Ֆրանսերենի կամ անգլերենի լավ իմացություն;
- Համակարգչային հմտություններ։
APPLICATION PROCEDURES
: 
Հետաքրքրված անձինք կարող են ուղարկել իրենց ինքնակենսագրականը (CV) և մոտիվացիոն նամակը
hr@kasa.am էլ. հասցեին` նամակի վերնագրում նշելով հաստիքի անվանումը («Սոցիալական ձեռներեցության կրթական ծրագրի համակարգող»):
Մոտիվացիոն նամակում խնդրում ենք անդրադառնալ հետևյալ հարցերին (առավելագույնը երկու էջի սահմաններում)՝
- Ինչպե՞ս եք գնահատում համայնքային զարգացման մեջ սոցիալական ձեռնարկատիրության դերը;
- Ինչո՞ւ եք ցանկանում ստանձնել այս պաշտոնը;
- Ներկայացրեք ձեր այն փորձն ու ունակությունները, որոնք կօգնեն ձեզ՝ ծրագրի հաջող և արդյունավետ իրականացման գործում:
Միայն ինքնակենսագրականների և մոտիվացիոն նամակների հիման վրա ընտրված դիմորդները կհրավիրվեն հաջորդ փուլ։
Please clearly mention in your application letter that you learned of this job opportunity through Career Center and mention the URL of its website - www.careercenter.am, Thanks.
ADDITIONAL NOTES
: 
Հարցերի և տեղեկությունների համար զանգահարել` +374 10584032։
ABOUT
: 
«Սոցիալական ձեռներեցության կրթական ծրագիր»
«ԿԱԶԱ» հիմնադրամը 2021թ․ սեպտեմբերից մեկնարկելու է նոր ծրագիր՝ ուղղված սոցիալական ձեռնարկատիրության կրթությանը և ձեռնարկությունների սատարմանը՝ հանուն համայնքային զարգացման: «Սոցիալական ձեռներեցության կրթական ծրագիր»-ը նպատակ ունի սոցիալական ձեռնարկատիրության միջոցով զարգացնել Հայաստանի համայնքները և նպաստել համերաշխ բիզնեսի վարման մշակույթի ձևավորմանը Հայաստանում: Ծրագրի խնդիրներն են խորացված կրթական ծրագրերի միջոցով զարգացնել սոցիալական ձեռնարկատիրության ունակությունները, ֆինանսական և այլ ռեսուրսներով օգնել բիզնես գաղափարների մշակմանն ու իրագործմանը, փոխօգնության հարթակի միջոցով սկսնակ և արդեն կայացած ձեռնարկատերերի համար հասանելի դարձնել Հայաստանյան և միջազգային փորձը՝ սոցիալական ձեռնարկատիրության ոլորտում: Ծրագրի շրջանակներում նախատեսված է գործարկել համապարփակ և բազմաբաղադրիչ կրթական գործընթաց՝ կրթական ինկուբատոր, հաջողակ բիզնես գաղափարներին ընձեռել նախնական ֆինանսակվորման հնարավորություն և մշակել սոցիալական ձեռնարկատիրության ոլորտում համագործակցության, փոխօգնության և փորձի փոխանակման մեխանիզմ՝ համագործակցելով դաշտի դերակատարների հետ: Նոր ծրագրային թիմի ձևավորման համար Հիմնադրամը հայտարարում է Ծրագրի համակարգողի թափուր հաստիք:
ABOUT COMPANY
: 
«ԿԱԶԱ» հիմնադրամը ստեղծվել է 1997թ. շվեյցարական «Կոմիտաս» երգչախմբի Հայաստանում ունեցած ելույթների արդյունքում։ Տեսնելով Հայաստանի տնտեսական ծանր վիճակը՝ երգչախումբը որոշում կայացրեց հիմնել «Կոմիտաս» Շվեյցարիա-Հայաստան բարեգործական միությունը, որը հետագայում Հայաստանում գրանցվեց որպես շվեյցարական մարդասիրական հիմնադրամ: «ԿԱԶԱ» Շվեյցարական մարդասիրական հիմանդրամն ավելի քան 24 տարի գործունեություն է ծավալել գրեթե բոլոր մարզերում՝ իրականացնելով ծրագրեր մարդասիրության, շինարարության, գյուղատնտեսության, զբոսաշրջության և կրթության ոլորտներում։ Մարդասիրական բնույթի տարբեր աշխատանքների հետ մեկտեղ (կրթաթոշակներ ուսանողներին, աջակցություն անապահով ընտանիքներին), հիմնադրամը մոտ 40 շինարարական նախագծեր է իրականացրել՝ հիվանդանոցներ, դպրոցներ, վերականգնողական կենտրոններ, համայնքային կենտրոններ և այլն: Աշխատելով բազմաշերտ շահառուների հետ՝ ի սկզբանե որդեգրվել է հետևյալ սկզբունքը և փիլիսոփայությունը՝ «Սովորեցնել ձուկ որսալ՝ պարզապես ձուկ նվիրելու փոխարեն»։ Հիմնադրամը աջակցում է Հայաստանի կայուն զարգացմանը հետամուտ անձանց, որոնք ներգրավվում են երկրի տնտեսական, հասարակական և մշակութային կյանքում՝ հավատարիմ մնալով ժողովրդավարության սկզբունքներին: Հիմնադրամի 40 աշխատակիցները Երևանում և Գյումրիում ամեն օր աշխատում են հարյուրավոր շահառուների և կամավորների հետ՝ անդադար կատարելագործելով իրենց մոտեցումներն ու մեթոդները, որպեսզի լավագույնս արձագանքեն նրանց փոփոխվող կարիքներին ու ործունեության ոլորտներում ի հայտ եկող նորանոր մարտահրավերներին։ Ներկայումս հիմնադրամը գործունեություն է ծավալում քաղաքացիական կրթության, երիտասարդների զբաղվածության, երեխաների և դեռահասների սոցիալ-ուսուցողական զարգացման, այլընտրանքային զբոսաշրջության, մարդասիրության, միջմշակութային հաղորդակցության (ֆրանկոֆոնիայի զարգացում) ոլորտներում։