ԱՇԽԱՏԱՆՔԻ ՆԿԱՐԱԳԻՐ
: 
«ԿԱԶԱ» Շվեյցարական մարդասիրական հիմնադրամը փնտրում է «Արև» ծրագրի պատասխանատու: Ծրագրի նպատակն է հիմնել տեխնոլոգիական ուսուցման կենտրոն էլեկտրատեխնիկայի և էներգետիկայի ոլորտներում, ինչպես նաև նպաստել Հայաստանում արդյունաբերական ավտոմատացման (ռոբոտաշինության) զարգացմանը, տեխնոլոգիական ուսուցման թերությունները վերացնելուն՝ արդյունքում ստեղծելով կայուն և որակյալ աշխատատեղեր: Ծրագիրն առաջարկում է կարճաժամկետ (մեկ շաբաթյա) և երկարաժամկետ (5 շաբաթյա) դասընթացներ՝ նախատեսված երիտասարդների, քոլեջների (նախնական և միջին մասնագիտական ուսումնական հաստատությունների) ուսանողների, դասավանդողների, ինչպես նաև ձեռնարկությունների տեխնիկների (վճարովի հիմունքներով) համար: Դասընթացներին զուգահեռ ծրագիրը ներառում է տնտեսական բաղադրիչ կայունություն ապահովելու նպատակով: Նախատեսվում է գտնել ֆոտովոլտային և ջերմային համակարգերով հետաքրքրված ընտանիքների և նրանց կողմից նախնական ներդրումի դիմաց ֆինանսավորել այդ համակարգերի տեղադրումը 0% տոկոսադրույքով։ Ընտանիքների կողմից կատարվող փոխհատուցումները թույլ կտան իրականացնել այլ տեղադրումներ, ինչպես նաև մասամբ ֆինանսավորել դասընթացների ծախսերը:
Ծրագրի պատասխանատուն իր թիմի հետ իրականացնում է ծրագրի տարբեր բաղադրիչները՝ զարգացնելով գործընկերային հարաբերություններ պետական և մասնավոր կառույցների հետ՝ մշտապես առաջնորդվելով նորարարությամբ։
ՊԱՐՏԱԿԱՆՈւԹՅՈւՆՆԵՐ
: 
- Իրականացնել ծրագրի ֆինանսական և վարչական կառավարում;
- Կառավարել ծրագրի թիմը;
- Իրականացնել ծրագրի առաջխաղացմանը և զարգացմանն ուղղված գործողություններ;
- Ստեղծել և պահպանել գործընկերային հարաբերություններ տեղական և եվրոպական գործընկերների հետ;
- Համագործակցություն ստեղծել պետական և մասնավոր հաստատությունների, կրթական հաստատությունների ու նախաձեռնությունների և ՀԿ-ների հետ;
- Կազմակերպել ծրագրի իրականացման համար անհրաժեշտ ֆինանսահայթայթման գործընթացը;
- Ստեղծել համագործակցություններ կրթական և մասնավոր ոլորտների միջև։
ԱՆՀՐԱԺԵՇՏ ՈՐԱԿԱՎՈՐՈՒՄՆԵՐ
: 
- Բարձրագույն կրթություն; կրթությունը տեխնիկական ոլորտում կդիտվի որպես առավելություն;
- Թիմի ղեկավարման առնվազն 3 տարվա աշխատանքային փորձ;
- Թիմի մասնակցային կառավարման հմտություններ;
- Միջմշակութային միջավայրում աշխատելու հմտություններ;
- Արդյունավետ հաղորդակցության և տարբեր ոլորտներում (պետական, մասնավոր, ՀԿ) գործընկերային ցանցի ստեղծման և պահպանման ունակություն;
- Բարդ իրավիճակների և ժամանակի արդյունավետ կառավարում;
- Հայերեն, ֆրանսերեն (առնվազն B2) և անգլերեն (առնվազն B1) լեզուների իմացություն;
- Համակարգչային ծրագրերի և առցանց աշխատանքային գործիքների հմուտ օգտագործում:
ԴԻՄԵԼՈւ ԿԱՐԳԸ
: 
Հետաքրքրված անձինք կարող են ուղարկել իրենց ինքնակենսագրականը (CV) և մոտիվացիոն նամակը
hr@kasa.am էլ. հասցեին` նամակի վերնագրում նշելով հաստիքի անվանումը («Ծրագրի Պատասխանատու»):
Մոտիվացիոն նամակում խնդրում ենք անդրադառնալ հետևյալ հարցերին (առավելագույնը երկու էջի սահմաններում)՝
- Ինչո՞ւ եք ցանկանում ստանձնել այս պաշտոնը;
- Ներկայացրեք ձեր այն փորձն ու ունակությունները, որոնք կօգնեն ձեզ՝ ծրագրի հաջող և արդյունավետ իրականացման գործում:
Հարցերի և տեղեկությունների համար կարող եք զանգահարել 010 584032 հեռախոսահամարին։ Միայն ինքնակենսագրականների և մոտիվացիոն նամակների հիման վրա ընտրված դիմորդները կհրավիրվեն հաջորդ փուլ։
Խնդրում ենք Ձեր նամակում հստակ նշել, որ այս աշխատանքի հնարավորության մասին տեղեկացել եք Կարիերայի կենտրոնի վեբ-կայքից և նշեք կայքի հղումը՝ www.careercenter.am։ Շնորհակալություն.
ԼՐԱՑՈՒՑԻՉ ՏԵՂԵԿՈՒԹՅՈՒՆՆԵՐ
: 
Աշխատանքը ներառում է հաճախակի գործուղումներ Գյումրի՝ նաև գիշերակացով:
ԿԱԶՄԱԿԵՐՊՈւԹՅԱՆ ՄԱՍԻՆ
: 
«ԿԱԶԱ» Շվեյցարական մարդասիրական հիմնադրամը ստեղծվել է 1997թ. շվեյցարական «Կոմիտաս» երգչախմբի Հայաստանում ունեցած ելույթների արդյունքում։ Տեսնելով Հայաստանի տնտեսական ծանր վիճակը՝ երգչախումբը որոշում կայացրեց հիմնել «Կոմիտաս» Շվեյցարիա-Հայաստան բարեգործական միությունը, որը հետագայում Հայաստանում գրանցվեց որպես շվեյցարական մարդասիրական հիմնադրամ: «ԿԱԶԱ» Շվեյցարական մարդասիրական հիմանդրամն ավելի քան 24 տարի գործունեություն է ծավալել գրեթե բոլոր մարզերում՝ իրականացնելով ծրագրեր մարդասիրության, շինարարության, գյուղատնտեսության, զբոսաշրջության և կրթության ոլորտներում։ Մարդասիրական բնույթի տարբեր աշխատանքների հետ մեկտեղ (կրթաթոշակներ ուսանողներին, աջակցություն անապահով ընտանիքներին), հիմնադրամը մոտ 40 շինարարական նախագծեր է իրականացրել՝ հիվանդանոցներ, դպրոցներ, վերականգնողական կենտրոններ, համայնքային կենտրոններ և այլն: Աշխատելով բազմաշերտ շահառուների հետ՝ ի սկզբանե որդեգրվել է հետևյալ սկզբունքը և փիլիսոփայությունը՝ «Սովորեցնել ձուկ որսալ՝ պարզապես ձուկ նվիրելու փոխարեն»։
Հիմնադրամն աջակցում է Հայաստանի կայուն զարգացմանը հետամուտ անձանց, որոնք ներգրավվում են երկրի տնտեսական, հասարակական և մշակութային կյանքում՝ հավատարիմ մնալով ժողովրդավարության սկզբունքներին: 40 աշխատակիցները Երևանում և Գյումրիում ամեն օր աշխատում են հարյուրավոր շահառուների և կամավորների հետ՝ անդադար կատարելագործելով մոտեցումներն ու մեթոդները, որպեսզի լավագույնս արձագանքեն նրանց փոփոխվող կարիքներին ու գործունեության ոլորտներում ի հայտ եկող նորանոր մարտահրավերներին։
Ներկայումս հիմնադրամը գործունեություն է ծավալում քաղաքացիական կրթության, երիտասարդների զբաղվածության, երեխաների և դեռահասների սոցիալ-ուսուցողական զարգացման, այլընտրանքային զբոսաշրջության, մարդասիրության, միջմշակութային հաղորդակցության (ֆրանկոֆոնիայի զարգացում) ոլորտներում։