Աշխատանք և կարիերա

ԴՐՈւՅՔ: 

Լրիվ դրույք

ԱՇԽԱՏԱՆՔԻ ՆԿԱՐԱԳԻՐ: 

Հայաստանի տարածքային զարգացման հիմնադրամն իր ծրագրերի իրականացման համար փնտրում է անհատ խորհրդատու թարգմանիչ՝ «Տեղական տնտեսության և ենթակառուցվածքների զարգացման ծրագրի» (ՏՏԵԶԾ) համար։

ՊԱՐՏԱԿԱՆՈւԹՅՈւՆՆԵՐ: 

- Իրականացնել տարբեր բնույթի (հիմնականում տեխնիկական) ՏՏԵԶ ծրագրին առնչվող տեքստերի թարգմանություններ՝ հայերեն և անգլերեն լեզուներով;
- Կատարել գրությունների, հաշվետվությունների, փաստաթղթերի անգլերեն/ հայերեն թարգմանություն;
- Ապահովել ՏՏԵԶ ծրագրին վերաբերող այցերի պաշտոնական հանդիպումների թարգմանությունները;
- Մասնակցել դաշտային այցելություններին՝ ՏՏԵԶ ծրագրին վերաբերող այցերին ներկա պատվիրակությունների հետ;
- Աջակցություն ՏՏԵԶ ծրագրին առնչվող ծրագրի համակարգողներին;
- ՏՏԵԶ ծրագրին վերաբերող այլ առաջադրանքների իրականացում։

ԱՆՀՐԱԺԵՇՏ ՈՐԱԿԱՎՈՐՈՒՄՆԵՐ: 

- Լեզվաբանական ոլորտի բարձրագույն կրթություն;
- Առնվազն 5 տարվա աշխատանքային փորձ անգլերեն լեզվի թարգմանչական/ լեզվաբանական ոլորտում;
- Առնվազն 1 տարվա աշխատանքային փորձ անգլերեն լեզվի թարգմանչական/ լեզվաբանական ոլորտում, դոնորների կամ միջազգային ֆինանսական հաստատությունների կողմից ֆինանսավորվող ծրագրերում;
- MS Office ծրագրերի գերազանց տիրապետում։

ԴԻՄԵԼՈւ ԿԱՐԳԸ: 

Հետաքրքրված անձինք կարող են ուղարկել իրենց ինքնակենսագրականը r.gharibyan@atdf.am էլ. հասցեին՝ նամակի թեմա դաշտում նշելով հաստիքի անվանումը («Խորհրդատու թարգմանիչ»):
Հետաքրքրված խորհրդատուն պետք է ներկայացնի տվյալներ իր կրթության և աշխատանքային փորձի վերաբերյալ (CV), որակավորումը հիմնավորող փաստաթղթեր և անհրաժեշտության դեպքում Պատվիրատուի կողմից պահանջվող այլ տեղեկատվություն: Խորհրդատուի ընտրությունը կիրականացվի Համաշխարհային Բանկի ուղեցույցի «Համաշխարհային բանկի փոխառուների կողմից ՎԶՄԲ-ի փոխառությունների և ՄԶԸ-ի վարկերի և դրամաշնորհների շրջանակներում խորհրդատուների ընտրություն և վարձում, հունվար 2011, փոփոխված 2014թ.» սահմանված «Անհատ Խորհրդատուի ընտրության» ընթացակարգի համաձայն:
Լրացուցիչ տեղեկություններ հնարավոր է ստանալ ստորև բերված հասցեում, ՀՏԶՀ-ի գրասենյակից, աշխատանքային օրերին, ժամը 09:00-ից մինչև 18:00-ը:

Խնդրում ենք Ձեր նամակում հստակ նշել, որ այս աշխատանքի հնարավորության մասին տեղեկացել եք Կարիերայի կենտրոնի վեբ-կայքից և նշեք կայքի հղումը՝ www.careercenter.am։ Շնորհակալություն.

ԾՐԱԳՐԻ ՄԱՍԻՆ: 

Հայաստանի Հանրապետությունը Համաշխարհային բանկից ֆինանսավորում է ստացել «Տեղական տնտեսության և ենթակառուցվածքների զարգացման ծրագրի» (ՏՏԵԶԾ) իրականացման համար։ Տեղական տնտեսության և ենթակառուցվածքների զարգացման ծրագրի նպատակն է բարելավել զբոսաշրջային հատվածի ենթակառուցվածքները, ծառայությունները և ինստիտուցիոնալ կարողությունները և ավելացնել ոլորտի տեղական տնտեսության եկամուտները: Ակնկալվում է, որ Ծրագրի իրականացումից կշահեն Հայաստանի տարբեր մարզերի տեղական բնակչությանը, զբոսաշրջիկները և ձեռնարկությունները: Ակնկալվում է նաև, որ վերանորոգված մշակութային ժառանգության վայրերում և քաղաքներում հանրային ենթակառուցվածքները կդառնան ավելի մատչելի և որակյալ, կավելանան փոքր և միջին ձեռնարկությունների թիվը։ Կառավարությունը կշահի զբոսաշրջության ընդհանուր ծախսերի ավելացումից, աշխատատեղերի ստեղծման, գործակալությունների ինստիտուցիոնալ կարողությունների բարելավումից և ակտիվների շահագործման և պահպանման կարողությունների բարելավումից: ՏՏԵԶԾ-ի բաղադրիչներից մեկը վերաբերում է մասնավոր ներդրումների ներգրավման համար հանրային ենթակառուցվածքների ապահովմանը: