Աշխատանք և կարիերա

ԴՐՈւՅՔ: 

Լրիվ դրույք

ԱՇԽԱՏԱՆՔԻ ՆԿԱՐԱԳԻՐ: 

Ծրագրի ղեկավարի տեղակալի (ԾՂՏ) պաշտոնը զբաղեցնող անձը ունենալու է խորհրդատուի կարգավիճակ, որի հետ աշխատանքային հարաբերությունները կարգավորվում են քաղաքացիա-իրավական պայմանագրի հիման վրա: Ծրագրի ղեկավարի տեղակալը լիարժեք աշխատանքային ծանրաբեռնվածությամբ աշխատում է ծրագրի թիմում, հաշվետու է ծրագրի ղեկավարին և հանդիսանում է ծրագրային ամբողջ գործունեության համար պատասխանատվություն կրող երկրորդ անձը:

ՊԱՐՏԱԿԱՆՈւԹՅՈւՆՆԵՐ: 

- Անմիջապես վերահսկել պայմանագրերի իրականացումը;
- Պատասխանատու լինել ծրագրի տարեկան, կիսամյակային և եռամսյակային հաշվետվությունների, ինչպես նաև մոնիթորինգային հաշվետվությունների ստացման ժամկետների համար;
- Մասնակցել ապրանքների և ծառայությունների ձեռքբերման տեխնիկական առաջադրանքների և աշխատանքի նկարագրերի կազմմանը և գնումների գործընթացներին;
- Պատասխանատվություն կրել համայնքային ծրագրերի առաջարկների ձևավորման, վերջնաժամկետների պահպանման համար;
- Սերտորեն աշխատել ծրագրի փորձագետների և խորհրտատուների հետ՝ աջակցելով վերջիններիս առջև դրված խնդիրների լուծմանը;
- Մասնակցել դոնորի և գործընկերների հետ հանդիպումներին;
- Սերտորեն աշխատել համայնքների ներկայացուցիչների հետ և կատարել ծրագրի ղեկավարի այլ հանձնարարություններ:

ԱՆՀՐԱԺԵՇՏ ՈՐԱԿԱՎՈՐՈՒՄՆԵՐ: 

- Տնտեսագիտության, բիզնեսի և վարչարարության, հանրային կառավարման, սոցիոլոգիայի և հարակից ոլորտների բարձրագույն կրթություն (դիպլոմ կամ մագիստրոսի աստիճան);
- Համայնքային կամ մարզային զարգացման ծրագրերի իրականացման՝ նվազագույնը 5 տարվա աշխատանքային փորձ՝ միջազգային կամ տեղական կազմակերպություններում;
- Համայնքային զարգացման ոլորտին առնչվող (հանրային ծառայությունների մատուցում, մունիցիպալ կառավարում, համայնքային կարողությունների հզորացում, միջնաժամկետ և երկարաժամկետ պլանավորում և այլն) գիտելիք և փորձ;
- Մոնիթորինգի և դրա մեթոդների ու գործընթացների ընդհանուր իմացություն, ծրագրի արդյունքների գնահատման, ծրագրային թիրախների և ցուցիչների կիրառման վերաբերյալ ընդհանուր պատկերացում;
- Հայերեն և անգլերեն լեզուների գերազանց իմացություն;
- Հաղորդակցության հմտություններին տիրապետելը կդիտարկվի որպես առավելություն:

ԴԻՄԵԼՈւ ԿԱՐԳԸ: 

Հետաքրքրված անձինք կարող են ուղարկել իրենց ինքնակենսագրականը r.gharibyan@atdf.am էլ. հասցեին՝ նամակի թեմա դաշտում նշելով հաստիքի անվանումը («Ծրագրի ղեկավարի տեղակալ»):
Նախնական ընտրություն անցած թեկնածուները հարցազրույցի կհրավիրվեն ՀՏԶՀ-ի գրասենյակ: Հարցազրույցը կվարվի հայերեն և անգլերեն լեզուներով՝ զուգահեռ: Մրցույթին մասնակցելու վերջնաժամկետն է 24 փետրվարի, 2023 թ.: Ընտրված թեկնածուի կողմից պաշտոնի ստանձնման վերջնաժամկետը՝ 01 ապրիլի, 2023 թ.:

Խնդրում ենք Ձեր նամակում հստակ նշել, որ այս աշխատանքի հնարավորության մասին տեղեկացել եք Կարիերայի կենտրոնի վեբ-կայքից և նշեք կայքի հղումը՝ www.careercenter.am։ Շնորհակալություն.

ԼՐԱՑՈՒՑԻՉ ՏԵՂԵԿՈՒԹՅՈՒՆՆԵՐ: 

Թեկնածուն պետք է պատրաստ լինի հաճախակի գործուղումների մեկնել Հայաստանի մարզեր, ունենա հաղորդակցության գերազանց ունակություններ, ինչպես նաև սեղմ ժամկետներում ծավալուն խնդիրներ լուծելու կարողություն:

ԾՐԱԳՐԻ ՄԱՍԻՆ: 

«Տեղական ինքնակառավարման և ապակենտրոնացման բարեփոխումների» ծրագիրը ֆինանսավորվում է ԱՄՆ կառավարության կողմից և իրականացվում է Հայաստանի տարածքային զարգացման հիմնադրամի կողմից: Դրամաշնորհը տրամադրվել է Հայաստանի Հանրապետության կառավարությանը՝ ՏԻՄ համակարգի հզորացման, համայնքային ծառայությունների բարելավման և կառավարության ապակենտրոնացման քաղաքականությանն աջակցելու նպատակով: Ծրագիրը մեկնարկել է 2022թ. դեկտեմբերի 1-ին և նախատեսվում է ավարտին հասցնել 2027թ. նոյեմբերի 30-ին: Այն բաղկացած է 4 բաղադրիչից՝
- Բաղադրիչ 1. Ուսուցում, կարողությունների զարգացում և տեխնիկական աջակցություն. Հաշվետու կառավարման համար
ՏԻՄ ներկայացուցիչներին և ինստիտուտներին կտրամադրվի տեխնիկական աջակցություն կամ ուսուցում՝ համայնքային կարողությունների և հանրային կառավարման հաշվետվողականության բարելավման նպատակով;
- Բաղադրիչ 2. Քաղաքացիների կարիքներին արձագանքող հանրային ծառայություններ և համայնքների զարգացման նախաձեռնություններ. Աջակցություն քաղաքացիներին մատուցվող հանրային ծառայությունների բարելավմանն և համայնքային զարգացման նախաձեռնությունների իրականացմանը;
- Բաղադրիչ 3. Չնախատեսված սթրեսածին գործոնների և ցնցումների արդյունավետ արձագանքում և վերականգնում.
Աջակցություն տեղական ինքնակառավարման մարմիններին՝ արագ և արդյունավետ արձագանքելու արտակարգ վիճակներից տուժած բնակչությանը և վերականգնողական աջակցություն ցուցաբերելու բնակչության այն խմբերին, որոնք հայտնվել են նման իրավիճակում;
- Բաղադրիչ 4. Ապակենտրոնացման քաղաքականությունը, օրենսդրական դաշտի բարելավում և ապակենտրոնացման սկզբունքի փորձարկում. Օժանդակություն Հայաստանի կառավարությանը՝ մշակելու ու իրակացնելու ապակենտրոնացման քաղաքականությունը, որը կարող է ներառել քննարկումներ միջգերատեսչական պետական, մարզային և համայնքային մակարդակներում, ապակենտրոնացման միջազգային փորձի ուսումնասիրություն, օրենսդրության և քաղաքականության մշակում, ապակենտրոնացման մոդելների փորձարկում, ինչպես նաև ապակենտրոնացման հարցերի հետ կապված հանրային իրազեկում և ռազմավարական հաղորդակցություն։