Работа и карьера

ТИП ПОЛНОМОЧИЙ : 

Կես դրույք

ОПИСАНИЕ ДОЛЖНОСТИ : 

.
«Դասավանդի՛ր, Հայաստան»-ի մասին.
«Դասավանդի՛ր, Հայաստան»-ը ձևավորում է այնպիսի առաջնորդների շարժում, որոնք կվերափոխեն պատկերացումները ամբողջ երկրում երեխաներին գերազանց կրթությամբ ապահովելու մասին։ «Դասավանդի՛ր, Հայաստան»-ի նպատակն է ձևավորել այնպիսի աշակերտներ, որոնք ունակ են իրենց խոսքն ասելու հարափոփոխ աշխարհի կերտման գործում՝ պահպանելով նվիրումը սեփական համայնքներին: Սրա համար պահանջվում է բոլոր մակարդակներում գործող առաջնորդների աջակցությունը՝ դպրոցական ուսուցիչներից մինչև բարձրաստիճան պաշտոնյաներ: Այս առաքելության իրագործման նպատակով «Դասավանդի′ր, Հայաստան»-ը Հայաստանից և հայկական սփյուռքից հավաքագրում է խոստումնալից առաջնորդների, որոնք 2-ամյա հանձնառությամբ պատրաստ են դասավանդել այնպիսի դպրոցներում, որտեղ անհրաժեշտ են նրանց գիտելիքներն ու հմտությունները: Երկարաժամկետ հեռանկարում մեր կազմակերպությունը ձևավորում է փոփոխությունների առաջամարտիկների ցանց, որը ներառում է մեր աշակերտներին, նրանց համայնքները, մեր ծրագրի շրջանավարտներին, պետական պաշտոնատար անձանց, համայնքային գործընկերներին, աջակիցներին և «Կրթություն բոլորի համար» գլոբալ ցանցի անդամներին:

Պաշտոնում ստանձնած դերը.
«Դասավանդի՛ր, Հայաստան»-ի համար մեծ պատիվ է ներկայանալ որպես առաջնորդության զարգացման ջատագով կազմակերպություն։ «Դասավանդի՛ր, Հայաստան»-ը համոզված է, որ իր աշակերտների կյանքում համակարգային փոփոխությունների հասնելու համար անհրաժեշտ է ձևավորել առաջնորդության էկոհամակարգ։ Կազմակերպության նպատակն է գտնել տաղանդավոր անհատների և նրանց պատրաստել որպես կրթական հնարավորությունների հավասարության նվիրյալներ։ Աշխատանքային պրակտիկան այս նպատակի մի բաղադրիչն է։
Վճարվող պրակտիկան «Դասավանդի՛ր, Հայաստան»-ում բուհական ավարտական կուրսերի բարձր առաջադիմություն ցուցաբերած ուսանողների համար հնարավորություն է մասնակցելու կազմակերպության գործունեությանը։ Պրակտիկանտները ներգրավվելու են բոլոր բաժիններում։ «Դասավանդի՛ր, Հայաստան»-ին անհրաժեշտ են պրակտիկանտներ ուսումնական տարբեր բնագավառներից։ Պրակտիկանտները վճարվում են ամսական 100,000 ՀՀ դրամի չափով (համախառն)։ 
Պրակտիկան մեկնարկում է հունվարին և ավարտվում հունիսին։ Ծրագրի ավարտին պրակտիկանտներին առաջարկվում է միանալ Ուսուցիչների առաջնորդության ծրագրին։
Ծրագրին կարող են դիմել բակալավրիատի 4-րդ, ինչպես նաև մագիստրատուրայի 2-րդ կուրսի ուսանողները։

Աշխատանքային թիմը.
«Դասավանդի՛ր, Հայաստան»-ը ցանկանում է ընդունել 10-ից 20 պրակտիկանտի, որոնք կներգրավվեն հետևյալ բաժիններում․         
- Մասնավոր համագործակցության բաժին (ֆինանսական միջոցների հայթայթում);
- Հանրային համագործակցության բաժին (հարաբերություններ պետական մարմինների հետ);
- Մարքեթինգի և բրենդի ռազմավարության բաժին (հաղորդակցություն, թարգմանություն, դիզայն);
- Ֆինանսների և գործառնությունների բաժին;
- Մարդկային ռեսուրսների կառավարման բաժին;
- Ուսումնական ծրագրերի նախագծման և ներազդեցության բաժին (ծրագրերի մշակում, «Կայծ» սոցիալական նորարարությունների ինկուբատոր, համայնքային ներազդեցություն, աշակերտական առաջնորդություն, տվյալների մշակում, աշխատանք Շրջանավարտ-դեսպանների հետ);
- Հարավային տարածաշրջանի թիմ;
- Հյուսիսային տարածաշրջանի թիմ;
- Արցախի տարածաշրջանի թիմ:

Ձեր մասին.
«Դասավանդի′ր, Հայաստան»-ը կարող է լինել լավագույն տեղը հենց Ձեզ համար, եթե Դուք ևս կարևորում եք այնպիսի աշխատավայրի ձևավորումը, որն առաջնորդվում է արժեքներով և գործում է առաջնորդության կատարելագործման ուղղությամբ։ «Դասավանդի′ր, Հայաստան»-ի թիմը պետք է բաղկացած լինի աշխատանքային մշակույթ ստեղծող անհատներից, որոնք օրինակ են հանդիսանում այնպիսի առաջնորդության, որ կազմակերպությունը ջանում է կյանքի կոչել դասարաններում և կրթական ողջ համակարգում: Սա նշանակում է, որ «Դասավանդի′ր, Հայաստան»-ի անձնակազմի յուրաքանչյուր անդամ պետք է ձգտի մարմնավորել կազմակերպության «Քոչարին», հավատարիմ մնալ ամենաբարձր չափանիշների, իսկ թերություններ թույլ տալիս ընդունել սեփական սխալները։

ОБЯЗАННОСТИ : 

Աշխատանքային պարտականությունները.
Աշխատանքային հիմնական պարտականությունները կլինեն տարբեր՝ ըստ բաժինների։ Ստորև ներկայացված են այն պարտականությունները, որոնք կարող են դրվել Ձեզ վրա․
Մասնավոր համագործակցության բաժին՝
- Իրականացնել նոր գործընկերությունների հնարավորությունների ուսումնասիրություն և բացահայտում;
- Աջակցել դրամահավաքային և լայն իրազեկման արշավների անցկացմանը;
- Մասնակցել սոցիալական մեդիայում և մարքեթինգային նյութերով տեղադրվող բովանդակության ստեղծմանը;
- Տվյալների մուտքագրում:

Հանրային համագործակցության բաժին (հարաբերություններ պետական մարմինների հետ).
- Աջակցել փաստաթղթերի կազմման և սրբագրման աշխատանքներում;
- Աջակցել անգլերենով և (կամ) ռուսերենով կազմվող փաստաթղթերի խմբագրման և սրբագրման աշխատանքներում;
- Բացահայտել նոր ուղղությունների և գործընկերային հնարավորությունները;
- Անցկացնել ընթացիկ հետազոտական ծրագրերի համար անհրաժեշտ գրասենյակային հետազոտություններ։

Մարքեթինգի և բրենդի ռազմավարության բաժին.
- Աջակցել «Դասավանդի′ր, Հայաստան»-ի, «Friends of Teach For Armenia»-ի և «Collective Fund»-ի կայքերի ձևավորման ու բովանդակության թարմացման աշխատանքներում;
- Հանրայնացնել կազմակերպության վերաբերյալ բովանդակությունը առցանց սոցիալական մեդիայի միջոցով;
- Աջակցել հայերեն, անգլերեն և (կամ) ռուսերեն առցանց բովանդակության ստեղծման աշխատանքներում;
- Աջակցել համայնքային նորարարական նախագծերը ներկայացնող բովանդակության մշակման աշխատանքներում։

Ֆինանսների և գործառնությունների բաժին.
- Աջակցել փաստաթղթերի (ներքին շրջանառման փաստաթղթեր, ֆինանսական հաշվետվություններ և այլն) կազմման, ներկայացման և/ կամ ստուգման աշխատանքներում;
- Աջակցել փոխհաղորդակցությանը Մարդկային ռեսուրսների կառավարման բաժնի հետ;
- Աջակցել գործառնություններին և գրասենյակի կառավարմանն առնչվող նյութատեխնիկական հարցերում;
- Կատարել ֆինանսական գծով գլխավոր տնօրենի, ինչպես նաև Ֆինանսների և գործառնությունների բաժնի ղեկավարի կողմից տրված այլ հանձնարարություններ;
- Աջակցել բաժիններին` իրենց ամենօրյա բնականոն վարչարարության իրականացման և արդյունավետությանն ուղղված նորարարական լուծումների որոնման գործընթացներում։

Մարդկային ռեսուրսների կառավարման բաժին.
- Աջակցել ՄՌԿ գործունեությանը;
-Աջակցել ՄՌԿ գործունեությանն առնչվող նյութատեխնիկական խնդիրներում;
- Աջակցել գնումների գործընթացներում;
- Աջակցել աշխատանքի ընդունման գործընթացում՝ թեկնածուների հետ հարցազրույցների պլանավորման և համապատասխան էլեկտրոնային նամակների ուղարկման աշխատանքներում։

Ուսումնական ծրագրերի նախագծման և ներազդեցության բաժին.
- Աջակցել ուսուցիչների և աշակերտների համար տարբեր թեմաներով ուսումնական նյութերի պատրաստման (տարբեր աղբյուրների հետազոտություն, ուսումնական նյութերի կառուցվածքի կազմում, բուն նյութի շարադրում) հարցում; 
- Աջակցել ուսումնական նյութերի՝ անգլերենից հայերեն թարգմանության և խմբագրման աշխատանքներում;
- Աջակցել դասընթացների կազմակերպմանը և անցկացմանը (առցանց և ոչ առցանց);
- Օգնել տեսանյութերի պատրաստման աշխատանքներում (տեսաձայնագրություն, մոնտաժ, հայերեն ենթագրեր);
- Աջակցել աշակերտական առաջնորդության վերաբերյալ նորարարական փորձի և մեթոդների հետազոտմանը և կիրառմանը;
- Աջակցել համայնքներում մեր ներազդեցության ընդլայնման և համայնքային ներազդեցության նախագծերի բյուջետային հաշվետվություններիի կազմման գործում;
- Հայաստանյան և արտասահմանյան արտաքին աղբյուրներից նախագծերի ֆինանսավորման գերակա հնարավորությունների վերաբերյալ ուսումնասիրություն և տեղեկությունների տրամադրում;
- «Դասավանդի′ր, Հայաստան»-ում ուսումնառությանը և նորարարական գործունեությանն առնչվող այլ պարտականություններ։

Հարավային տարածաշրջանի թիմ (Երևան).
- Աջակցել տեխնիկական խնդիրներում, ինչպիսիք են, օրինակ, Ուսուցիչ-առաջնորդներին իրենց հանձնարարությունների, մոդուլների և նախագծերի մասին հիշեցումները և դրանց կատարման ընթացքին հետևելը;
- Աջակցել դպրոցներին և ուսումնական ծրագրին առնչվող նյութատեխնիկական ապահովման հարցերում;
- Ստանձնել Ուսուցիչ-առաջնորդների գործունեությանն առնչվող այլ պարտականություններ:

Հյուսիսային տարածաշրջանի թիմ (Վանաձոր).
- Աջակցել տեխնիկական խնդիրներում, ինչպիսիք են, օրինակ, Ուսուցիչ-առաջնորդներին իրենց հանձնարարությունների, մոդուլների և նախագծերի մասին հիշեցումները և դրանց կատարման ընթացքին հետևելը;
- Աջակցել դպրոցներին և ուսումնական ծրագրին առնչվող նյութատեխնիկական ապահովման հարցերում;
- Կազմել հարցումներ և խմբավորել տվյալներ;
- Աշխատել էլեկտրոնային փաստաթղթերի հետ. օրինակ՝ Google Sheets, Google Slides և այլն; 
- Տրամադրել կազմակերպվող միջոցառումներին լոգիստիկ և կազմակերպչական աջակցություն; 
- Ստանձնել Ուսուցիչ-առաջնորդների կամ Առաջնորդության զարգացման ղեկավարների գործունեությանն առնչվող այլ պարտականություններ:

Արցախի տարածաշրջանի թիմ.
- Աջակցել տեխնիկական հարցերում, օրինակ, ընթացիկ աշխատանքների՝ ՈՒԱ-ների կողմից իրականացման հետևում և տեղեկացում ԱԶՂ-ներին;
- Աջակցել ԱԶՂ-ի ընթացիկ աշխատանքներին (ՓՀՈւ, համայնքային ծրագրեր, վալիդացիա և այլն);
- Աջակցել դպրոցներին և ուսումնական ծրագրին առնչվող նյութատեխնիկական ապահովման հարցերում;
- Տրամադրել տարածաշրջանային թիմի կողմից իրականացվող տարբեր միջոցառումներին տեխնիկական, այլ անհրաժեշտ աջակցություն;
- Աջակցել Արցախի ԲՈՒՀ-երի շրջանավարտների հավաքագրման գործընթացին։

ՀԻՇԵՑՈՒՄ.
«Դասավանդի′ր, Հայաստան»-ը շահույթ չհետապնդող և ընդլայնվող կազմակերպություն է, որը գործում է դինամիկ համակարգում: «Դասավանդի′ր, Հայաստան»-ի գործունեության սահմանների ընդլայնմանը զուգընթաց՝ իր թիմը պետք է դրսևորի ճկունություն: Կազմակերպությունը փնտրում է այնպիսի առաջնորդների, որոնք դրսևորում են դիմակայունություն և նոր իրավիճակների հարմարվելու ունակություն: Սա նշանակում է, որ պարտականությունները ժամանակի հետ կարող են կրել փոփոխություններ:

ТРЕБУЕМАЯ КВАЛИФИКАЦИЯ : 

Այս պաշտոնում նշանակվելու համար անհրաժեշտ է, որ թեկնածուն տիրապետի հետևյալ առանցքային կարողություններին.
- Նվիրում - «Դասավանդի′ր, Հայաստան»-ի համար ամենակարևորը տաղանդավոր անհատներն են, որոնք ոգեշնչված կլինեն կրթության միջոցով երկրում փոփոխություններ բերելու «Դասավանդի′ր, Հայաստան»-ի առաքելությամբ;
- Թիմային աշխատանքի ունակություն - «Դասավանդի′ր, Հայաստան»-ն ունի շատ յուրահատուկ թիմային մշակույթ և մշտապես ձգտում է կատարելագործվել որպես աշխատավայր։ «Դասավանդի′ր, Հայաստան»-ը որոնում է այնպիսի անհատների, որոնք կօգնեն ամրապնդել կազմակերպության համագործակցային ոգին;
- Սովորելու ձգտում - Մենք սովորում ենք ողջ կյանքի ընթացքում։ «Դասավանդի′ր, Հայաստան»-ի անձնակազմի յուրաքանչյուր անդամ պետք է բաց լինի սովորելու համար;
- Խնդիրներ լուծելու ունակություն - Լուծումներ գտնելու համար այնպիսի լայն խնդրին, ինչպիսին կրթական հնարավորությունների անհավասարությունն է, «Դասավանդի′ր, Հայաստան»-ին անհրաժեշտ են առաջնորդներ, որոնք ունեն ինքնատիպ մտածողություն և կարող են առաջարկել լուծումներ;
- Ոգևորություն - Անելիք շատ կա, և խոչընդոտների հաղթահարման համար ինքնուրույն գործելու կարողություն պահանջվում է նույնիսկ պրակտիկանտներից։

Հիմնական կարողություններից զատ՝ ակնկալվում են նաև հետևյալ որակավորումները․
- Բակալավրիատի կամ մագիստրատուրայի վերջին կուրսի ուսանողներ;
- Բարձր կատարողականությամբ օժտված անձինք, որոնք կարողանում են միաժամանակ համադրել մի շարք առաջնահերթություններ;
- Հայերենի իմացություն; անգլերենի իմացությունը խիստ ցանկալի է; ռուսերենի իմացությունը կդիտվի որպես առավելություն (հատկապես այն անձանց համար, որոնք ցանկություն կհայտնեն աշխատելու որպես թարգմանիչներ)։

ПРОЦЕДУРА ПОДАЧИ ЗАЯВОК : 

Խնդրում ենք ուղարկել ձեր ինքնակենսագրականը և մոտիվացիոն նամակը աշխատանքի պաշտոնական հայտարարության միջոցով (կարող եք տեսնել «Դասավանդի՛ր, Հայաստան»-ի վեբ կայքում https://www.teachforarmenia.org/am/careers): Մոտիվացիոն նամակում խնդրում ենք նշել բաժինը, որտեղ ցանկանում եք անցնել պրակտիկան և ներկայացնել, թե ինչու եք ցանկանում միանալ «Դասավանդի′ր, Հայաստան»-ի առաքելությանը և ստանձնել տվյալ աշխատանքը:

Подавая на вакансию, пожалуйста укажите Career Center как источник информации о вакансии и сайт www.careercenter.am. Спасибо!

ЗАРПЛАТА : 

100,000 ՀՀ դրամի չափով (համախառն)